இந்தியாவில் கொரோனா வைரசால் பாதிக்கப்பட்டவர்களின் எண்ணிக்கை 11,933-ஆக உள்ளது; வெளவால்களின் மூலம் கொரோனா

இந்தியாவில் கொரோனாவுக்கு பலியானோரின் எண்ணிக்கை 392ஆக அதிகரித்துள்ளது. இதேபோல் கொரோனா பாதித்தோரின் எண்ணிக்கை 11 ஆயிரத்தை தாண்டியுள்ளது.

இந்தியாவில் கடந்த 24 மணி நேரத்தில் கொரோனா தொற்றால் 1118 பேர் பாதிக்கப்பட்டுள்ளனர். இதுவரை கொரோனா வைரசால் பாதிக்கப்பட்டோர் எண்ணிக்கை 11,933 -ஆக அதிகரித்துள்ளதாக மத்திய சுகாதாரத்துறை அமைச்சகம் தெரிவித்துள்ளது. மேலும் கொரோனாவால் உயிரிழந்தோர் எண்ணிக்கை 392-ஆக அதிகரித்துள்ளதாக தெரிவிக்கப்பட்டது.

சீனாவில் கண்டறியப்பட்ட கொரோனா வைரஸ், தற்போது ஒட்டு மொத்த உலக நாடுகளையும் உலுக்கி வருகிறது. கொரோனா பாதிப்புக்கு இந்தியாவும் தப்பவில்லை. இந்தியாவில் படிப்படியாக கொரோனா பாதிப்பு அதிகரித்து வருகிறது. கொரோனா பரவலைக் கட்டுப்படுத்தும் வகையில், இந்தியாவில் மே 3 ஆம் தேதி வரை ஊரடங்கு நீட்டிக்கப்பட்டுள்ளது.  கொரோனா வைரஸ் அச்சுறுத்தலைக் கட்டுப்படுத்த மத்திய மாநில அரசுகள் பல்வேறு நடவடிக்கைகள் எடுத்து வருகின்றன.

இந்தியாவில் கொரோனா தொற்று சமூக பரவலாக மாறவில்லை என்று மத்திய சுகாதாரத்துறை அமைச்சகம் தெரிவித்துள்ளது.

மத்திய சுகாதாரத்துறை செய்தி தொடர்பாளர் இன்று செய்தியாளர்களுக்குப் பேட்டி அளித்தார். அப்போது அவர் கூறியதாவது:- “இந்தியாவில் கடந்த 24 மணி நேரத்தில் 1,076 பேருக்கு கொரோனா தொற்று உறுதி செய்யப்பட்டுள்ளது.  ஒட்டுமொத்தமாக இந்தியாவில் கொரோனா பாதித்தவர்கள் எண்ணிக்கை  11,933 ஆக உயர்ந்துள்ளது.  கொரோனா பாதிப்பிலிருந்து 1,344 பேர் மீண்டுள்ளனர்.

கொரோனா பரவும் மைய இடங்களாக விளங்கும் பகுதிகளை கொரோனா ஹாட்ஸ்பாட் பகுதிகள் எனவும், கொரோனா பாதிப்பு ஏற்படாத பகுதிகளை கொரோனா நான் ஹாட்ஸ்பாட் பகுதிகள் எனவும் மாவட்டங்களை நாங்கள் வரிசைப்படுத்தியுள்ளோம். இதன்படி, 170 மாவட்டங்கள் கொரோனா ஹாட்ஸ்பாட் பகுதிகளாக அடையாளம் காணப்பட்டுள்ளன.

207 மாவட்டங்கள்  சாத்தியமான ஹாட்ஸ்பாட்கள் / ஹாட்ஸ்பாட்கள் அல்லாதவை என்று  அடையாளம் கண்டுள்ளோம்.  நாட்டில், கொரோனா தொற்று இன்னும் சமூக பரவலாக மாறவில்லை. உள்ளூரில் சில பரவல் மட்டுமே ஏற்பட்டுள்ளது. இவற்றைக் கட்டுப்படுத்த பல்வேறு கட்டுப்பாடுகள் அமல்படுத்தப்பட்டுள்ளன. கட்டுப்படுத்தப்பட்ட பகுதிகளின் உத்திகளை அமல்படுத்துவதுதான் மிகப்பெரிய சவாலாக உள்ளது” என்றார்.

இந்தியாவில் கொரோனா பாதித்தோரில் இதுவரை 11.41 சதவீதம் பேர் குணமடைந்துள்ளனர். கடந்த 24 மணி நேரத்தில் 270 பேர் கொரோனா பாதிப்பில் இருந்து குணமடைந்துள்ளனர். அமைச்சரவை பாதுகாப்பு சார்பில் அனைத்து தலைமை செயலாளர்கள், டி.ஜி.பிக்கள், சுகாதார செயலாளர்கள், சேகரிப்பாளர்கள், எஸ்.பி.க்கள், நகராட்சி ஆணையர்கள் மற்றும் சி.எம்.ஓக்கள் ஆகியோருடன் வீடியோ ஆலோசனை நடைபெற்றது. கட்டுப்பாட்டு மூலோபாயத்தை கள அளவில் செயல்படுத்துவதில் ஆலோசனை வழங்கப்பட்டது. இந்தியா முழுவதும் கொரோனா ஹாட்ஸ்பாட்களைக் கையாள்வதற்கான வழிகாட்டுதல்களை மாநிலங்கள் வெளியிட்டன. அத்தியாவசிய சேவைகளுடன் தொடர்புடையவை தவிர, கட்டுப்பாட்டு மண்டலங்களில் இயக்கம் அனுமதிக்கப்படாது.

வெளவால்களின் மூலம் கொரோனா

சீனாவில் மேற்கொள்ளப்பட்ட ஆய்வின்படி, வெளவால்களில் ஏற்பட்ட பிறழ்வு காரணமாக கொரோனா வைரஸ் தோன்றியிருக்கலாம் என்று கண்டறியப்பட்டது. வெளவால்கள் அதை பாங்கோலின்களுக்கு அனுப்பியிருக்கலாம், பாங்கோலின்களிலிருந்து அது மனிதர்களுக்கு பரவுகிறது. இதுதொடர்பாக ஆய்வு நடத்தப்பட்டது. அதில் இரண்டு வகையான வெளவால்கள் இருப்பது தெரிய வந்தது. மேலும் அவை மனிதர்களை பாதிக்கும் திறன் இல்லாத கொரோனா வைரஸை கொண்டுள்ளன. இது அரிதானது, 1000 ஆண்டுகளுக்கு ஒரு முறை அது வெளவால்களிலிருந்து மனிதர்களுக்கு பரவுகிறது.