மாயமான கைரளி கப்பல் கதை

சார்லி, என்னு நின்டே மொய்தீன், திரா போன்ற மலையாளப் படங்களுக்கும், ரோஹித் ஷெட்டி இயக்கிய கோல்மால் 4 இந்திப் படத்துக்கும் ஒளிப்பதிவாளர், ஜோமோன் டி.ஜான். அவர் இயக்குனராக அறிமுகமாகும் மலையாளப் படம், கைரளி. 1979ல் மர்மமான முறையில் மாயமான, 49 பேர் கொண்ட கேரளாவின் முதல் கப்பல் எம்.வி.கைரளி பற்றிய கதையுடன் இந்தப் படம் உருவாகிறது.

நிவின் பாலி ஹீரோ. சித்தார்த்தா சிவா திரைக்கதை எழுதுகிறார். நிவின் பாலியே இப்படத்தை தயாரிக்கிறார். கைரளி படப்பிடிப்பு வரும் டிசம்பர் மாதம் முதல் கேரளா, கோவா, டெல்லி, குவைத், ஜெர்மனி மற்றும் ஜிபோட்டியில் நடக்கிறது.