நண்பன் சந்தானத்திற்காக இதை செய்யும் சிம்பு

‘தில்லுக்கு துட்டு’ படத்திற்கு பிறகு சந்தானம் ‘சர்வர் சுந்தரம்’ படத்தில் நடித்து முடித்துள்ளார். இப்படத்தை ஆனந்த் பால்கி என்பவர் இயக்கியுள்ளார். இப்படத்தில் சந்தானத்துக்கு ஜோடியாக மராத்தி நடிகை வைபவி ஷாண்டில்யா நடித்துள்ளார். பி.கே.வர்மா ஒளிப்பதிவில், சந்தோஷ் நாராயணன் இப்படத்திற்கு இசையமைத்துள்ளார்.  இப்படத்தை கெனன்யா பிலிம்ஸ் நிறுவனம் சார்பில் செல்வக்குமார் தயாரித்து உள்ளார்.  இந்நிலையில், இப்படத்தின் டீசரை சிம்பு பிறந்தநாளான, பிப்ரவரி 3-ம் தேதி வெளியிட படக்குழு முடிவு செய்துள்ளது. திரையுலகில் சந்தானத்தை அறிமுகப்படுத்தியவர் சிம்பு என்பது அனைவரும் அறிந்ததே. அதையும் தாண்டி சிம்பு-சந்தானம் இடையே நல்ல நட்பும் இருந்து வருகிறது.  இந்நிலையில் பிப்ரவரி 3-ம் தேதி `சர்வர் சுந்தரம்’ படத்தின் டீசரை சிம்புவே வெளியிடுவதாக சந்தானம் தனது டுவிட்டர் பக்கத்தில் தெரிவித்துள்ளார். இது இருவருக்கும் இடையேயான நட்பை அடுத்த நிலைக்கு கொண்டு செல்வதாக கோலிவுட் வட்டாரத்தில் பேசப்படுகிறது.  மேலும் சந்தானம் நடிக்கும் மற்றொரு படமான `சக்க போடு போடு ராஜா’ படத்திற்கு சிம்பு இசையமைத்து வருவது குறிப்பிடத்தக்கது