சங்கக்காராவின் சாதனையை நெருங்கும் குஷால் மெண்டிஸ்

ஆஸ்திரேலிய அணிக்கு எதிரான முதல் டெஸ்டில் சதம் விளாசியுள்ள குஷால் மெண்டிஸ் முன்னாள் தலைவர் குமார் சங்கக்காராவின் சாதனையை நெருங்கி வருகிறார்.  பல்லேகெல மைதானத்தில் நடந்து வரும் முதல் டெஸ்ட் போட்டியின் 2வது இன்னிங்சில் இலங்கை அணியின் குஷால் மெண்டிஸ் அபாரமாக விளையாடி சதம் விளாசினார்.  தற்போது அவர் 169 ரன்களுடன் ஆட்டமிழக்காமல் இருக்கிறார். இதன் மூலம் ஆஸ்திரேலியாவுக்கு எதிரான டெஸ்ட் போட்டியில் அதிக ரன்கள் எடுத்த இலங்கை வீரர்களில் 2வது இடத்தில் உள்ளார்.  முதல் இடத்தில் முன்னாள் தலைவர் குமார் சங்கக்காரா இருக்கிறார். அவர் 2007ல் ஹொபர்ட்டில் நடந்த போட்டியில் 192 ரன்கள்  எடுத்திருந்தார்.  நாளை குஷால் மெண்டிஸ் தொடர்ந்து சிறப்பான ஆட்டத்தை வெளிப்படுத்தினால் குமார் சங்கக்காராவின் சாதனையை அவர் எளிதாக முறியடிப்பார்.