சாம்சங் கேலக்ஸி M31s அறிமுகம்; விலையை கேட்டா அசந்து போயிருவாங்க !!!!!!

சாம்சங் நிறுவனத்தின் கேலக்ஸி எம் தொடரின் சமீபத்திய மாடலாக சாம்சங் கேலக்ஸி எம் 31 எஸ் இந்தியாவில் அறிமுகம் செய்யப்பட்டுள்ளது. கடந்த பிப்ரவரியில் அறிமுகப்படுத்தப்பட்ட கேலக்ஸி எம் 31 ஸ்மார்ட்போனின் மேம்படுத்தப்பட்ட பதிப்பாக அறிமுகம் ஆகியுள்ள இந்த ஸ்மார்ட்போன், ஹோல்-பஞ்ச் டிஸ்ப்ளே மற்றும் குவாட் ரியர் கேமரா அமைப்பைக் கொண்டுள்ளது.

மேம்பட்ட கேமரா அனுபவத்தை வழங்க கேலக்ஸி எம் 31எஸ் ஸ்மார்ட்போன் ஆனது முன்பே நிறுவப்பட்ட இன்டெல்லி-கேம் அம்சத்தையும் கொண்டுள்ளது. கூடுதலாக, சாம்சங் இரண்டு தனித்துவமான ரேம் விருப்பங்களையும் வழங்குகிறது.

கேலக்ஸி எம் 31 எஸ் ரிவர்ஸ் சார்ஜிங்கை ஆதரிக்கிறது மற்றும் 25W சார்ஜர் மற்றும் யூ.எஸ்.பி டைப்-சி, யூ.எஸ்.பி டைப்-சி கேபிள் போன்ற அம்சங்களையும் கொண்டுள்ளது. ஆகமொத்தம் இது ரெட்மி நோட் 9 ப்ரோ மேக்ஸ் மற்றும் ரியல்மி 6 ப்ரோ போன்றவற்றுக்கு எதிராக கடும் போட்டியாக களமிறங்கி உள்ளது.

இந்தியாவில் சாம்சங் கேலக்ஸி எம் 31 எஸ் ஸ்மார்ட்போனின் விலை, அறிமுக சலுகைகள்:

இந்தியாவில் சாம்சங் கேலக்ஸி எம் 31 எஸ் ஸ்மார்ட்போனின் 6 ஜிபி ரேம் வேரியண்டின் விலை ரூ.19,499 க்கும், இதன் 8 ஜிபி ரேம் விருப்பமானது ரூ.21,499 க்கும் அறிமுகமாகி உள்ளது. இந்த ஸ்மார்ட்போன் மிராஜ் பிளாக் மற்றும் மிராஜ் ப்ளூ வண்ணங்களில் வருகிறது. மேலும், இது ஆகஸ்ட் 6 முதல் சாம்சங் ஸ்டோர் மற்றும் அமேசான் இந்தியா வழியாக விற்பனைக்கு வரும். ஆகஸ்ட் 6 ஆம் தேதி என்பது அமேசானின் ப்ரைம் டே விற்பனையின் முதல் நாளாகும் என்பதும் இங்கே குறிப்பிடத்தக்கது.

சாம்சங் கேலக்ஸி எம் 31 எஸ் ஸ்மார்ட்போனின் அம்சங்கள்:

டூயல் சிம் (நானோ) ஆதரவு கொண்ட சாம்சங் கேலக்ஸி எம் 31 எஸ் ஆனது ஆண்ட்ராய்டு 10 அடிப்படையிலான ஒன் யுஐ கொண்டு இயங்குகிறது. இது 6.5 இன்ச் அளவிலான புல் எச்டி+ சூப்பர் அமோலேட் இன்பினிட்டி-ஓ டிஸ்ப்ளேவை கொண்டுள்ளது, அது 420 நைட்ஸ் பீக் ப்ரைட்னஸ் மற்றும் கொரில்லா கிளாஸ் 3 பாதுகாப்பு ஆகியவற்றைக் கொண்டுள்ளது.

மேலும் இது 8 ஜிபி ரேம் உடன் ஆக்டா கோர் எக்ஸினோஸ் 9611 SoC உடன் இயங்குகிறது. இந்த ஆக்டிவ் சிப் குறிப்பாக கேலக்ஸி எம் 31 மற்றும் கேலக்ஸி எம் 30 எஸ் ஸ்மார்ட்போன்களில் நாம் பார்த்ததைப் போன்றது.

புகைப்படங்கள் மற்றும் வீடியோக்களை பொறுத்தவரை, சாம்சங் கேலக்ஸி எம் 31 எஸ்-இல் குவாட் ரியர் கேமரா அமைப்பு உள்ளது. அதில் 64 மெகாபிக்சல் முதன்மை சோனி ஐஎம்எக்ஸ் 682 சென்சார் எஃப் / 1.8 லென்ஸுடன் உள்ளது. உடன் 12 மெகாபிக்சல் இரண்டாம் நிலை சென்சார் (123 டிகிரி அல்ட்ரா-வைட்-ஆங்கிள் லென்ஸ்) + 5 மெகாபிக்சல் டெப்த் சென்சார் + 5 மெகாபிக்சல் மேக்ரோ ஷூட்டர் ஆகியவைகள் உள்ளன.

செல்பீக்களை கைப்பற்றவும், வீடியோ அழைப்புகளை இயக்கவும், சாம்சங் கேலக்ஸி எம் 31 எஸ் ஸ்மார்ட்போனில் 32 மெகாபிக்சல் செல்பீ கேமரா சென்சார் உள்ளது. அது ஹோல் பஞ்ச் டிஸ்பிளே வடிவமைப்பின் மேல் அமர்ந்திருக்கிறது. இந்த ஸ்மார்ட்போனின் கேமரா சென்சார் 4 கே வீடியோ பதிவு மற்றும் ஸ்லோ-மோ வீடியோக்கள், ஏஆர் டூடுல் மற்றும் ஏஆர் ஈமோஜி போன்ற அம்சங்களை ஆதரிக்கிறது.

சாம்சங் கேலக்ஸி எம் 31 எஸ் சமர்ட்போனில் 128 ஜிபி உள் சேமிப்பு உள்ளது, இது மைக்ரோ எஸ்டி கார்டு வழியாக விரிவாக்கக்கூடியது. இணைப்பு விருப்பங்களை பொறுத்தவரை, 4ஜி வோல்டிஇ, வைஃபை 802.11 ஏசி, ப்ளூடூத் வி 5.0, ஜிபிஎஸ் / ஏ-ஜிபிஎஸ், யூ.எஸ்.பி டைப்-சி மற்றும் 3.5 மிமீ ஹெட்ஜாக் ஆகியவைகளை கொண்டுள்ளது.

இந்த ஸ்மார்ட்போனில் பக்கவாட்டில் பொருத்தப்பட்ட கைரேகை சென்சார் உள்ளது. இது 6,000 எம்ஏஎச் பேட்டரியை கொண்டுள்ளது. மேலும் இது தொகுக்கப்பட்ட 25W சார்ஜர் வழியாக பாஸ்ட் சார்ஜிங் ஆதரவினையும் கொடுள்ளது. கடைசியாக அளவீட்டில் இது 9.3 மிமீ தடிமன் உள்ளது.