ரியல்மி நார்சோ 10A-க்கு தரமான ஆப்பு ரெடி; என்ன ஸ்மார்ட்போன்? என்ன விலை????

இன்ஃபினிக்ஸ் நிறுவனம் கூடிய விரைவில் அதன் இன்ஃபினிக்ஸ் ஹாட் தொடரில் ஒரு புதிய ஸ்மார்ட்போனை சேர்க்கும் என்று தெரிகிறது. இந்த ஆண்டு மே மாதத்தில், இந்த பிராண்ட் இன்ஃபினிக்ஸ் ஹாட் 9 தொடரை அறிமுகப்படுத்தியது, இப்போது, அதன் வாரிசை விரைவில் அறிமுகப்படுத்தும் என்று எதிர்பார்க்கப்படுகிறது.

அது இன்பினிக்ஸ் ஹாட் 10 என்று அழைக்கப்படும் என்பதை கூகுள் பிளே கன்சோல் பட்டியலிலும், டி.யூ.வி ரைன்லாண்ட் பட்டியலும் வெளிப்படுத்தி உள்ளது. இந்த புதிய பட்ஜெட் ஸ்மார்ட்போனை பற்றி மேலும் அறிய தொடர்ந்து படிக்கவும்.

TUV ரைன்லேண்ட் பட்டியலின்படி, கூறப்படும் இன்பினிக்ஸ் ஹாட் 10 ஸ்மார்ட்போன் ஆனது எக்ஸ் 682 சி மற்றும் எக்ஸ் 682 பி ஆகிய இரண்டு மாதிரி எண்களைக் கொண்டுள்ளது. இந்த ஸ்மார்ட்போன் 4 ஜிபி ரேம் விருப்பம் மற்றும் ஆக்டா கோர் மீடியாடெக் ப்ராசஸர் உடன் வரும் என்று அது அறிவுறுத்துகிறது மற்றும் இது 5,100 எம்ஏஎச் பேட்டரியைக் கொண்டிருக்கும்.

கூகுள் பிளே கன்சோல் பட்டியலின் படி, இந்த ஸ்மார்ட்போன் ஆண்ட்ராய்டுடன் அனுப்பப்படும் மற்றும் 320ppi பிக்சல் அடர்த்தியுடன் கூடிய 720 × 1,640 பிக்சல்கள் டிஸ்ப்ளேவை கொண்டிருக்கும்.

இன்பினிக்ஸ் ஹாட் 10 ஸ்மார்ட்போனின் மாதிரி எண் ஆனது ‘இன்பினிக்ஸ்-எக்ஸ் 682 சி’ என்று பட்டியலிடப்பட்டுள்ளது. அதாவது மீடியா டெக் எம்டி 6769 SoC-ஐ கொண்டுள்ளது, இது அடிப்படையில் மீடியா டெக் ஹீலியோ ஜி 70 SoC ப்ராசஸர் ஆகும். இதே சிப்செட் தான் ரியல்மி நார்சோ 10ஏ ஸ்மார்ட்போனிலும் உள்ளது. இந்த பிராண்ட் இறுதியாக ஒரு சிறந்த ப்ராசஸரை கொண்டு வருவதுபோல் தெரிகிறது, இது பல பயனர்களுக்கு ஒரு நல்ல செய்தியாக இருக்கும்.

இது பஞ்ச்-ஹோல் டிஸ்ப்ளே டிசைனுடன் வரும் என்று எதிர்பார்க்கப்படுகிறது. மேலும் இந்த ஸ்மார்ட்போன் மாலி ஜி 52 ஜி.பீ.யு உடனாக 820 மெகா ஹெர்ட்ஸில் கிளாக் செய்திருக்கலாம். இந்நிறுவனம் இன்பினிக்ஸ் ஹாட் 10 ஸ்மார்ட்போனை வெறும் 4 ஜிபி ரேம் தவிர மற்ற மெமரி வகைகளின் கீழும் அறிமுகம் செய்ய அதிக வாய்ப்புள்ளது.

இது 5,100 எம்ஏஎச் பேட்டரியையும் கொண்டுள்ளது என்று கூறப்படுகிறது. கூகுள் பிளே கன்சோல் பட்டியல் மற்றும் டி.யூ.வி ரைன்லேண்ட் பட்டியல் ஆனது முதலில் 91 மொபைல்ஸ் தளத்தால் கண்டுபிடிக்கப்பட்டது என்பதும் இங்கே குறிப்பிடத்தக்கது.

நினைவூட்டும் வண்ணம் இன்பினிக்ஸ் ஹாட் 9 ஸ்மார்ட்போனின் ஆரம்ப விலை ரூ .9,499 உடன் அறிமுகப்படுத்தப்பட்டது, அதன் தொடர்ச்சியான ஹாட் 10 மாடலானது இன்னும் கொஞ்சம் செலவாகும் என்று எதிர்பார்க்கப்படுகிறது. இந்தியாவில் இன்பினிக்ஸ் ஹாட் 10 சீரிஸின் விலை ரூ.15,000 க்குள் என்கிற பிரிவின் கீழ் இருக்கலாம். இந்த ஸ்மார்ட்போனின் இருப்பை இன்பினிக்ஸ் நிறுவனம் இன்னும் அதிகாரப்பூர்வமாக உறுதிப்படுத்தவில்லை என்பது குறிப்பிடத்தக்கது.